ప్రపంచ కప్ మహిళా క్రికెట్ టోర్నమెంటులో భారత్ సెమి ఫైనల్స్ లో ఆస్ట్రేలియాతో తలపడి గెలవడం వెనుక జట్టు సభ్యులకు స్ఫూర్తినిచ్చింది ఎవరో తెలుసా ?
నాలుగు నెలల పసికందు
ఆశర్యంగా అనిపించినా ఇది నిజం
యుద్ధంలో కానివ్వండి , క్రీడల్లో కానివ్వండి , కెరీర్ లో కానివ్వండి , లేదా ఏ రంగంలో అయినా కానివ్వండి ఉన్నత స్థానాలకు చేరుకున్నవాళ్లకు , విజయ తీరాలకు చేరుకున్నవాళ్లకు ఏదో ఒక ప్రేరణ ఉండే ఉంటుంది
ఆ ప్రేరణే వారిని జీవితంలో అత్యున్నత స్థానాలకు తీసుకెళ్తుంది
జీవితంలో ఉన్నత స్థానాలకు చేరుకున్న చాలామంది గతంలో ఈ విషయం చెప్పారు
ఆస్ట్రేలియాతో సెమి ఫైనల్స్ మ్యాచ్ ముందు భారత మహిళా క్రికెటర్లకు ఆశర్యకరంగా అటువంటి ప్రేరణ లభించింది
అది కూడా ఒక దేవాలయంలో ఒక మాతృమూర్తి , ఆమె నాలుగు నెలల పసికందు నుంచి
భారత్ జట్టుకు ఊహించని అద్భుతమైన ప్రేరణ లభించింది
ఈ విషయాలను భారత్ మహిళా క్రికెటర్ క్రాంతి గౌడ్ ఓ మీడియా న్యూస్ ఛానెల్ తో పంచుకున్నారు
సరిగ్గా ఆస్ట్రేలియాతో సెమి ఫైనల్స్ మ్యాచ్ ముందు రోజు భారత మహిళా క్రికెటర్లు దేవాలయాల సందర్శనకు వెళ్లారు
అలా ఓ దేవాలయానికి వెళ్లి భారత్ గెలుపుకోసం పూజలు చేయించి ప్రాంగణంలో ప్రదక్షిణలు చేస్తుండగా నాలుగు నెలల పసికందుని ఒళ్ళో పెట్టుకుని ధ్యానం చేసుకుంటున్న మాతృమూర్తి వీరికి కనిపించింది
ఆమెను చూసిన క్రికెటర్లకు అక్కడ ఏదో తేజస్సు ఉన్నట్టు అనిపించింది
ధ్యానంలోనుంచి కళ్ళు తెరిచిన ఆ మాతృమూర్తి క్రికెటర్ల వంక చూసి చిరునవ్వుతో ” మీరు ప్రపంచ కప్ గెలవాలని దేవుడ్ని ప్రార్థిస్తున్నాను అని అంటూ తన ఒళ్ళో ఉన్న పసికందుని చూపిస్తూ ఏదో ఒక రోజు నా కూతురు కూడా మీలాగే దేశం కోసం ఆడే గొప్ప క్రికెటర్ కావాలని కోరుకుంటున్నాను ” అంది
ఎందుకో ఆమె మాటలు క్రికెటర్లలో బలంగా నాటుకుపోయింది
ఆ రాత్రి హోటల్లో కలుసుకున్న జట్టు సభ్యులందరికీ ఏదో ప్రేరణ వచ్చినట్టైంది
తన నాలుగు నెలల కూతురు పెద్దయ్యాక గొప్ప క్రికెటర్ కావాలని ఆ మాతృమూర్తి కోరుకోవడం జట్టుకి గొప్ప ఇన్స్పిరేషన్ ఇచ్చింది
సాధారణ కుటుంబాల నుంచి వచ్చిన తాము నిజంగా భారత దేశం తరపున ఆడే స్థాయికి చేరుకోవడం వెనుక ఇటువంటి ఎందరో మాతృమూర్తుల కలలు ఉన్నాయని జట్టు సభ్యులు భావించారు
ఆ క్షణాన అందరికీ గర్వంగా అనిపించింది
ఎలాగైనా సరే తాము గెలిచి భవిష్యత్తులో ఆ నాలుగు నెలల కూతురితో పాటు ఎందరో ఆడపిల్లలకు స్ఫూర్తినివ్వాలని ఆ రాత్రే నిర్ణయించుకున్నారు
ఆ స్పూర్తితో మర్నాడు ఆస్ట్రేలియాతో జరిగిన మ్యాచులో ఒక్కొక్కరు ఒక్కో శివంగులై విజృంభించి ఆడి గెలిచారు
చూసారా .. కధలా అనిపించినా .. కలలా అనిపించినా వాస్తవం యెంత గొప్పగా ఉందొ !
