Home » ఫోర్బ్స్ బుక్ ఆఫ్ వరల్డ్ రికార్డ్స్ లో స్థానం సంపాదించుకున్న ఎఫ్ టి పి సి ఇండియా

ఫోర్బ్స్ బుక్ ఆఫ్ వరల్డ్ రికార్డ్స్ లో స్థానం సంపాదించుకున్న ఎఫ్ టి పి సి ఇండియా

Spread the love

చలన చిత్ర మరియు టెలివిజన్ రంగాలలో జాతీయ అంతర్జాతీయ సమ్మేళనాలతో పాటు ఈ రంగాల నటీనటుల సాంకేతిక నిపుణుల నైపుణ్యాలను ఇతర రాష్ట్రాల మరియు దేశాల బాషా చిత్రాలవారు ప్రోత్సహించేలా పరిచయ సదస్సులను నిర్వహిస్తూ మరియు ఆయా రాష్ట్ర దేశాలలో వెలుగులోకి రాని అనేక పర్యాటక ప్రాంతాల విశిష్టతను ప్రచారం చేస్తూ పర్యాటకరంగ అభివృద్ధికి కూడా విశేష కృషి చేస్తున్న ఫిలిం అండ్ టెలివిజన్ ప్రమోషన్ కౌన్సిల్ అఫ్ ఇండియా కు ఫోర్బ్స్ బుక్ ఆఫ్ వరల్డ్ రికార్డ్స్ లో స్థానం దక్కింది.

ప్రతిష్టాత్మకమైన ఈ సర్టిఫికెట్ ని అందుకున్న సందర్భాన్ని పురస్కరించుకొని ఎఫ్ టి పి సి ఇండియా సంస్థ అధ్యక్ష , కార్యదర్సులు చైతన్య జంగా , విజయ్ వర్మ పాకలపాటిలు హర్షం వ్యక్తం చేశారు.

జాతీయ అంతర్జాతీయ స్థాయిలో ఆయా రంగాలలో విశిష్టతను కనబరిచిన వ్యక్తులు సంస్థలకు అందించే ఈ విశిష్ట గౌరవం ఎఫ్ టీ పీ సి ఇండియా కు దక్కడం తమ సంస్థపై మరింత బాధ్యతను పెంచిందని ఈ సందర్భంగా వారు అన్నారు.

ఇప్పటికే మన దేశంలోని అహ్మదాబాద్ , ముంబై , కలకత్తా, హైదరాబాద్, విశాఖపట్నం లలో మరియు విదేశాలైన సింగపూర్ మలేసియా శ్రీలంక నేపాల్ , బ్యాంకాక్ లలో పలు ఫిలిం ఎక్స్చేంజి కార్యక్రమాలను నిర్వహించిన తాము త్వరలో దుబాయ్ , బాలి , వియత్నాం లలో కూడా ఇటువంటి కార్యక్రమాలను నిర్వహించి మన నటులు , సాంకేతిక నిపుణులు ఆయా బాషల చిత్రాలకు పనిచేసేలా సంస్థ కృషి చేయనుందని అధ్యక్షులు చైతన్య జంగా తెలిపారు.

సంస్థ ప్రధాన కార్యదర్శి విజయ్ వర్మ పాకలపాటి మాట్లాడుతూ ‘ ఈ కార్యక్రమాల ద్వారా మన చిత్రాల మార్కెట్ పరిధి చిన్న చిన్న దేశాల మొదలు ప్రపంచవ్యాప్తంగా విస్తరించేందుకు దోహదపడుతుందని చెప్పారు .

కంటెంట్ ప్రధానంగా నిర్మితమైన చిన్నచిత్రాలు భాషకు సంబంధం లేకుండా ఆదరణ పొందేలా , మన నటీనటులు పర్యాటక ప్రాంతాలు ప్రపంచానికి పరిచయం చేసే విశిష్ట లక్ష్యంతో ముందుకు సాగుతున్నామని, అంతేకాకుండా ఆయా నటీనటులు పర్యటక ప్రాంతాలను ఇతరబాషా చిత్ర పరిశ్రమలకు పరిచయం చేసేలా ఇంటరాక్షన్ కార్యక్రమాలను చేపడుతున్నామని తద్వారా మన నటులు, సాంకేతిక నిపుణులకు గ్లోబల్ స్థాయిలో అవకాశాలు లభించేందుకు దోహదపడుతున్నామని అలాగే మన పర్యటన ప్రాంతాలకు విస్తృత ప్రచారాన్ని కల్పిస్తున్నామని ఆయన తెలిపారు.

తమ సేవలను గుర్తించి ఈ విశిష్ట గౌరవాన్ని అందించిన ఫోర్బ్స్ బుక్ ఆఫ్ వరల్డ్ రికార్డ్స్ ఇంటర్నేషనల్ ఛైర్మన్ డాక్టర్ అవినాష్ డీ సుకుండే కు , మరియు ఇండియా చైర్మన్ ఎస్ అలోక్ కుమార్ లకు అధ్యక్ష , కార్యదర్సులు , కమిటీ సభ్యులు ఒక ప్రకటనలో ధన్యవాదాలు తెలియచేసారు !


Spread the love

Leave a Reply

Your email address will not be published. Required fields are marked *

error: Content is protected !!