ఉత్తర ప్రదేశ్ లోని అమ్రోహా అనే చిన్న పట్టణం సోమవారం సాయంత్రం నుంచి దుఃఖంలో మునిగిపోయింది
వారి దుఃఖానికి ఓ కారణం ఉంది
సోమవారం సాయంత్రం ఢిల్లీలో జరిగిన బ్లాస్ట్ లో మరణించిన వారిలో అశోక్ కూడా ఉన్నాడు
ఆ ఊరికే చెందిన అశోక్ ఢిల్లీ బస్ ట్రాన్స్పోర్ట్ డిపార్ట్మెంట్లో కండక్టర్ గా పనిచేస్తున్నాడు
వృద్ధురాలైన అతడి తల్లి , అనారోగ్యంతో ఉన్నఅన్న, వదిన ఊరిలోనే ఉంటారు
ఉద్యోగ రీత్యా అశోక్ ఢిల్లీ లో ఉంటున్నాడు
ఇతడికి భార్య , ముగ్గురు కుమార్తెలు , ఒక కొడుకు ఉన్నారు
ఈ ఎనిమిది మందికి అశోక్ ఒక్కడే ఆధారం
కుటుంబాన్ని పోషించుకోవడం కోసం అశోక్ ఢిల్లీలో పగలు బస్ కండక్టర్ ఉద్యోగం చేస్తూ రాత్రి సెక్యూరిటీ గార్డుగా పని చేస్తుంటాడు
సంపాదనలో కొంత తన కుటుంబానికి , మరికొంత ఊరిలో ఉన్న తల్లికి పంపించేవాడు
ఎలాగోలా కస్టపడి కుటుంబాన్ని పోషిస్తున్న అశోక్ ఉన్మాదుల దుశ్చర్యలకు బలయిపోయాడు
రోజులానే ఓల్డ్ ఢిల్లీ రూటులో డ్యూటీ చేయడానికి పగలు బస్ లో బయలుదేరిన అశోక్ కి తన జీవితంలో అదే ఆఖరి రోజు అవుతుందని తెలీదు
సాయంత్రం డ్యూటీ ముగించుకుని స్నేహితుడ్ని కలవటానికి ఢిల్లీ మెట్రో స్టేషన్ కు వచ్చాడు
సరిగ్గా అదే సమయంలో జరిగిన బ్లాస్ట్ లో అశోక్ అక్కడికక్కడే ప్రాణాలు విడిచాడు
రాత్రికి పోలీసులు విడుదల చేసిన మరణించిన వారి జాబితాలో అశోక్ పేరు కూడా ఉండటంతో అమ్రోహా పట్టణం మొత్తం విషాదంలో మునిగిపోయింది
8 మంది ఉన్న ఆ కుటుంబానికి అశోక్ ఒక్కడే జీవనాధారమని , ఇప్పుడు అశోక్ లేడని వృద్ధురాలైన అతడి తల్లికి ఎలా చెప్పాలని ఆ ఊరికి చెందిన బంధువు భోరున విలపిస్తూ చెప్పాడు
దుర్మార్గుల ఉన్మాదానికి అన్నెం పున్నెం ఎరుగని అశోక్ బలయిపోయాడని , అతడి కుటుంబం రోడ్డున పడిందని గ్రామస్తులు ఆవేదన వ్యక్తం చేస్తున్నారు !
