క్రీడాకారులు కానివ్వండి , శాస్త్రవేత్తలు కానివ్వండి , సైనికులు కానివ్వండి .. వారి రంగాల్లో విజయం సాధించినా , ఓడినా ప్రధాని మోడీ ఇచ్చే ట్రీట్ ప్రత్యేకంగా ఉంటుంది
నాయకుడిగా ఎదగాలనుకున్న వారిలో ఉండాల్సిన ప్రధాన లక్షణం గెలిచినప్పుడు భుజం తట్టడం , ఓడినప్పుడు ధైర్యం చెప్పడం
మోడీకి ఈ లక్షణం పుష్కలంగా ఉంది
2017 ప్రపంచ మహిళా క్రికెట్ కప్ టోర్నమెంట్లో భారత్ ఇంగ్లాండ్ చేతిలో ఓడిపోయినప్పుడు మోడీ ఆ టీమ్ ను ప్రత్యేకంగా పిలిపించుకుని ఓడిపోయినందుకు అధైర్యపడాల్సిన పని లేదని , ఆటల్లో గెలుపోటములు సహజమని చెప్తూ ఈసారి జరగబోయే టోర్నమెంట్లో కప్ సాధించి రమ్మని వారికి ధైర్యం చెప్పి గౌరవించాడు
మోడీ మాటలను భారత మహిళా క్రికెట్ జట్టు 2025 లో నిజం చేసాయి
గెలిచిన జట్టుకు బుధవారం నాడు ప్రధాని మోడీ ప్రత్యేకమైన ట్రీట్ ఇచ్చారు
జట్టు సభ్యులతో ప్రతి ఒక్కరితో ఇంటరాక్ట్ అయి మాట్లాడారు
ఈ సందర్భంగా మోడీ పరిశీలనా శక్తి చూసి మహిళా క్రికెటర్లు ఆశర్యపోయారు
ప్రధానిగా క్షణం తీరికలేని పనుల్లో బిజీగా ఉండే మోడీ ఇంతమంది క్రికెటర్లను పేరు పేరునా గుర్తుపెట్టుకుని పలకరించడంతో మహిళా క్రికెటర్ల ఆనందానికి అవధులు లేవు
జట్టు సభ్యులతో విడి విడిగా మాట్లాడుతూ ” దీప్తి శర్మ .. నువ్వు వేసుకున్న టాటూ వెనుక కథ ఏంటి ? హనుమాన్ జీ నీకేమన్నా హెల్ప్ చేస్తున్నాడో లేదో కొంచెం నాక్కూడా చెప్తావా ?” అనడంతో మోడీ పరిశీలనా శక్తికి ఆమె ఆశర్యపోయింది
దీప్తి శర్మ తన చేతిమీద హనుమంతుడి చిత్రంతో పాటు అయన గద కూడా టాటూ రూపంలో వేయించుకుంది
అప్పుడు దీప్తి ” నా మీద నాకంటే హనుమాన్ జీ మీదే నాకెక్కువ నమ్మకం ఉంది .. నేను కష్టాల్లో ఉన్నప్పుడల్లా హనుమాన్ జీ పేరు తలచుకోగానే ఆశ్చర్యంగా కష్టాలు తొలగిపోయేవి .. అలాగే ఫైనల్ మ్యాచ్ లో ఇండియా గెలవాలని నేను హనుమాన్ జీ ని ప్రార్ధించాను .. దానితో స్వామి దయతో గెలిచాము ” అని చెప్పింది
మోడీ కూడా దీప్తి మాటలతో ఏకీభవిస్తూ భగవంతుడ్ని నమ్మడం వల్ల చాలావరకు కష్టాలు తొలగిపోయి సాంత్వన లభిస్తుంది అని చెప్పారు
ఆధ్యాత్మిక విషయాలు ముచ్చటిస్తూనే మోడీ స్పార్క్ గా ” అవునూ .. నువ్వు క్రికెట్ గ్రౌండ్లో దాదాగిరి చేస్తావట.. నిజమేనా ?” అని అడగడంతో హాల్లో నవ్వులు పూసాయి
భారత జట్టును గెలిపించిన కెప్టెన్ హర్మన్ ప్రీత్ ను కూడా ప్రత్యేకంగా అభినందిస్తూ ” నేను ఫైనల్ మ్యాచ్ చూసాను .. ఇండియా కప్ గెలిచిన క్షణాన నువ్వు బంతిని తీసుకుని ముద్దాడి ఎమోషన్ అయ్యావు.. మొదటిసారి ప్రపంచ కప్ సాధించిన భారత మహిళా క్రికెట్ టీమ్ కెప్టెన్ గా నీ పేరు చిరస్థాయిగా నిలిచిపోతుంది” అని అభినందించారు
మోడీ ప్రశంసకు హర్మన్ ఎమోషన్ అవుతూ ” అవును జీ ! భారత్ కు మహిళల క్రికెట్ విభాగంలో మొదటిసారిగా ప్రపంచ కప్ సాధించడంతో ఉద్వేగంతో చిరస్మరణీయమైన ఆ బంతిని దాచుకున్నాను .. ఇది నాకు జీవితాంతం గుర్తుండిపోయే ఓ గొప్ప గెలుపు ” అనడంతో మోడీ ప్రశంసాపూర్వకంగా చప్పట్లు కొట్టారు
మాటల్లో ఉండగానే మ్యాచ్ లో గాయపడి వీల్ చైర్లో వచ్చిన క్రికెటర్ ప్రతీక రావల్ ను చూడగానే ప్రధాని గబగబా వెళ్లి ఆమెకు స్వయంగా పదార్దాలు వడ్డించడంతో క్రీడాకారులు అందరూ చప్పట్లు కొట్టారు
75 సంవత్సరాల మోడీ ఇప్పటికీ ఫిట్ గా ఉంటారు
చక్కటి ఆహార్యం మెయింటైన్ చేస్తారు
ముఖంలో కూడా చాలా కాంతివంతంగా ఉండటమే కాకుండా ఎక్కడా ముడతలు పడటం కనిపించదు
ఈ విషయాలను ప్రస్తావిస్తూ ఆఖర్లో ఓ క్రికెటర్ ” మీ చర్మ సౌందర్య రహస్యం ఏంటి జీ ? అని ధైర్యంగా మోడీని అడిగేసింది
ఆ ప్రశ్నకు మోడీ చిరునవ్వుతో ” చర్మ సౌందర్యం గురించి పట్టించుకోకపోవడమే నా చర్మ సౌందర్య రహస్యం ” అని అనడంతో హాల్లో నవ్వులు పూసాయి !
