అమ్మానాన్నలంటే ఆ కుర్రాడికి ప్రాణం
భార్య అంటే తగని ప్రేమ
మూడేళ్ళ కొడుకు అంటే వాత్సల్యం
చక్కటి కుటుంబం
హాయిగా సాగిపోతున్న సంసారం
కుటుంబంపై తనకున్న ప్రేమకు గుర్తుగా అమ్మే నా తొలి ప్రేమ .. నాన్నే నా బలం అండ్ కృతి అని భార్య పేరు కూడా తన చేతి మీద టాటూ వేయించుకున్నాడు
కానీ అదే టాటూ తన నిర్జీవ శరీరాన్ని గుర్తుపట్టడానికి తల్లితండ్రులకు ఉపయోగపడుతుందని ఆ క్షణాన ఆ కుర్రాడికి తెలీదు
సోమవారం సాయంత్రం ఢిల్లీ చాందినీ చౌక్ వద్ద జరిగిన బ్లాస్ట్ లో మరణించిన 12 మందిలో లో 34 ఏళ్ళ అమర్ కటారియా ఒకరు
చాందినీ చౌక్ ప్రాంతంలో ఫార్మాస్యూటికల్ వ్యాపారం చేస్తుంటాడు
నాలుగేళ్ళ క్రితమే వివాహం అయ్యింది
సోమవారం సాయంత్రం బ్లాస్ట్ కు కొద్దిసేపటి ముందు కుటుంబ సభ్యులకు ఫోన్ చేసి డిన్నర్ కు బయటకు వెళదామని , రెడీగా ఉండమని చెప్పాడు
సాయంత్రం షాప్ క్లోజ్ చేసి మెట్రో క్యాచ్ చేద్దామని బయలుదేరాడు
ఈ లోపలే బ్లాస్ట్ జరగడంతో అక్కడికక్కడే మరణించాడు
మరోపక్క డిన్నర్ కోసమని అతడితో కలిసి బయటికి వెళ్లాలని ఇంటిదగ్గర కుటుంబ సభ్యులు రెడీగా ఎదురు చూస్తున్నారు
అంతలో టీవీల్లో చాందినీ చౌక్ ప్రాంతంలో బ్లాస్ట్ జరిగినట్టు వార్తలు వచ్చాయి
వార్తలు చూసిన కుటుంబ సభ్యులు కంగారుగా అమర్ కు ఫోన్ చేసారు
కానీ ఎన్నిసార్లు చేసినా ఆ ఫోన్ కనెక్ట్ కావడం లేదు
వెంటనే బయలుదేరి స్పాట్ దగ్గరికి వెళ్లి అడిగితే కొన్ని డెడ్ బాడీస్ హాస్పిటల్ కు తీసుకెళ్లారు అని చెప్పారు
వెంటనే వారు చెప్పిన రెండు మూడు హాస్పిటల్స్ కు వెళ్లారు
ఒక హాస్పిటల్లో మాత్రం షుమారు 35 ఏళ్ళ యువకుడి డెడ్ బాడీ ఉందని , అతడి చేతి మీద అమ్మ నా తొలి ప్రేమ , నాన్న నా బలం అండ్ కృతి అనే టాటూ ఉందని చెప్పారు
టాటూ గుర్తులు చెప్పడంతో అది తమ కుమారుడిది అని తెలిసిన ఆ తండ్రి కుప్పకూలాడు
తన కొడుక్కి కుటుంబం మీద ప్రేమ మినహా ఎవరి మీదా ద్వేషం ఎరగడని , అలాంటిది అన్నెం పున్నెం ఎరుగని అమాయకుడ్ని మట్టుబెట్టడానికి దుర్మార్గులకు చేతులెలా వచ్చాయని కన్నీరు మున్నీరు అయ్యాడు
తల్లిని , తండ్రిని , భార్యని ప్రేమించడమే వాడు చేసిన నేరమా ?
తన ప్రేమకు గుర్తుగా చేతి మీద టాటూ వేసుకోవడమే వాడు చేసిన తప్పా ? అని గుండెలు బాదుకున్నాడు
మా మీద ప్రేమతో వాడు వేసుకున్న టాటూలే చివరకు వాడ్ని గుర్తుపట్టడానికి పనికొస్తాయని కలలో కూడా అనుకోలేదని ఆ కుటుంబ సభ్యులు కన్నీరు పెట్టుకున్నారు
ఇరుగుపొరుగుతో చక్కటి సంబంధాలు మెయింటైన్ చేసే అమర్ అర్దాంతరంగా మరణించడంతో అతడి కాలనీ వాసులంతా షాక్ అయ్యారు
అమర్ వివాద రహితుడు , సౌమ్యుడు అని , ఎప్పుడూ కుటుంబంతో ఎక్కువ టైం స్పెంట్ చెయ్యాలని ఆలోచించేవాడని , అందుకే షాప్ కి వెళ్లినా వీలైనంత తొందరగా ఇంటికి వచ్చి కుటుంబ సభ్యులతో డిన్నర్ కి వెళ్లడమో , వీకెండ్స్ ఫ్యామిలీ అంతా బయటికి వెళ్లి రావడమో చేసేవారని స్థానికులు చెప్తూ కంట తడి పెట్టుకున్నారు !
