అన్ని నిర్మాణాలు పూర్తి చేసుకున్న సందర్భంగా అయోధ్యలో ఈ రోజు (మంగళవారం ) ప్రధాని మోడీ శ్రీరామ జన్మ భూమి ఆలయం యొక్క 161 అడుగుల బంగారు శిఖరంపై కాషాయ ధర్మ ధ్వజాన్ని ఆవిష్కరించడంలో ఐదు శతాబ్దాల రామ భక్తుల కల నెరవేరినట్లైంది
10 అడుగుల ఎత్తు , 20 అడుగుల పొడవు ఉన్న లంబ కోణ త్రిభుజాకారంలో ఉన్న జెండాపై శక్తివంతమైన ఓం మరియు స్వస్తిక్ చిహ్నాలు ఎంబ్రాయిడరీ చేసి ఉన్నాయి
సరిగ్గా ఉదయం 11 . 30 నిమిషాలకు అభిజిత్ లగ్నంలో వేలాది మంది సాధువులు శంఖం పూరించగా , భక్తులు గంటలు వాయిస్తూ జై శ్రీరామ్ నినాదాలు చేస్తుండగా ప్రధాని మోడీ కాషాయ ధర్మ ధ్వజాన్ని ఆవిష్కరించారు
ఈ సమయంలో ప్రధాని మోడీ పక్కన ఆరెస్సెస్ చీఫ్ మోహన్ భగత్ కూడా ఉన్నారు
బంగారు శిఖరంపైన కాషాయ జెండా రెపరెపలాడిన క్షణాన అయోధ్య మొత్తం జై శ్రీరామ్ నినాదాలతో మారుమోగిపోయింది
ఐదు శతాబ్దాల నాటి తమ కల నెరవేరినందుకు భక్తులు భావోద్వేగంతో జై శ్రీరామ్ అని నినాదాలు చేస్తూ కంట తడి పెట్టుకున్నారు
అంతకుముందు ప్రధాని మోడీ ఉదయం 9 . 40 నిమిషాలకు మహర్షి వాల్మీకి అంతర్జాతీయ విమానాశ్రయంలో దిగారు
ఆయనకు యూపీ సీఎం ఆదిత్యనాధ్ దాస్ , గవర్నర్ ఆనంది బెన్ లు స్వాగతం పలికారు
విమానాశ్రయం నుంచి అయోధ్య వరకు 15 కిలోమీటర్ల పొడవున కొత్తగా నిర్మించిన రామ్ పద్ రోడ్డు మార్గం మీదుగా మోడీ రామాలయానికి చేరుకున్నారు
దారి పొడవునా భక్తులు జై శ్రీరామ్ నినాదాలు చేస్తూ మోడీ మీద పూల వర్షం కురిపించారు
ప్రధాని రామాలయం చేరుకునేసరికి రామ తీర్థ ట్రస్ట్ ప్రత్యేక ఆహ్వానాలు అందుకున్న షుమారు 7 వేలమంది సాధువులు , ట్రస్ట్ సభ్యులు , రామాలయం నిర్మాణంలో పాలుపంచుకున్న సభ్యులు జై శ్రీరామ్ నినాదాలతో ఆయనకి స్వాగతం పలికారు
గత ఏడాది జనవరిలో బాల రాముడి ప్రాణ ప్రతిష్ట చేసిన సంగతి అందరికీ తెలిసిందే
నేటికి అన్ని నిర్మాణాలు పూర్తి చేసుకోవడంతో దేవాలయానికి ఉన్న 44 ద్వారాలు తెరిచారు
రామాలయానికి చేరుకున్న మోడీ ముందుగా కొత్తగా నిర్మించిన సప్త మందిరాలను సందర్శించారు
ఇందులో మహర్షి విశ్వామిత్ర , వాల్మీకి , వశిష్ట , అగస్త్య , అహల్య , శబరి మందిరాలు ఉన్నాయి
రామాలయానికి వెళ్లేముందు మోడీ మాతా అన్నపూర్ణేశ్వరి ఆలయంలో పూజలు నిర్వహించారు
ధర్మ ధ్వజ ఆరోహణ తర్వాత ప్రధాని మోడీ మాట్లాడుతూ ,” శతాబ్దాల నాటి గాయాలు ఇవాళ నయం అయ్యాయి ” అన్నారు . అయోధ్యలో ఎగరవేసిన ధర్మ ధ్వజం కేవలం జెండా మాత్రమే కాదని , భారతీయ సాంస్కృతిక పునర్వికాసానికి చిహ్నమని తెలిపారు .
మోడీ తన ప్రసంగం జై శ్రీరామ్ నినాదంతో ప్రారంభించారు
“శతాబ్దాల తరబడి అయిన గాయాలు , బాధలు రామ భక్తుల సంకల్పంతో నేడు నయం అయ్యాయని” ఆయన అన్నారు .
“500 ఏళ్లుగా పోరాటం చేసిన ఎందరో రామ భక్తుల శ్రమ ఫలించి నేడు రామ రాజ్యానికి పూర్వ వైభవం సిద్దించిందని” ఆయన ప్రస్తుతించారు
శ్రీరాముడి సిద్ధాంతాలను ప్రపంచం అనుసరిస్తుందని , దేశం , ప్రపంచం రామ మయం అయిందని మోడీ కొనియాడారు
సంకల్పం నెరవేరిన ఆనంద క్షణాన ఈ యజ్ఞంలో భాగస్వామ్యం అయిన ప్రతి ఒక్కరినీ అభినందిస్తున్నట్టు మోడీ పేర్కొన్నారు
బానిస భావజాలానికి మోడీ చురకలు
మోడీ మాట్లాడుతూ ” మన చుట్టూ కొందరు బానిస భావజాలం వారు ఉన్నారు . అటువంటివారికి మనదగ్గర చోటు ఇవ్వొద్దు . రాముడు ఒక కాల్పనిక వ్యక్తి అని బానిస భావజాలం ఉన్న వ్యక్తులే మాట్లాడుతున్నారు . రాముడు ప్రతి ఇంట్లో , ప్రతి మనసులో ఉన్నదనేది వారికి తెలియదు . అయోధ్య రాముడ్ని ఇప్పటికే 45 కోట్లమంది సందర్శించుకున్నారు . ఒక వ్యక్తి పురుషోత్తముడిగా ఎలా ఎదిగాడో రామ చరిత చెప్తుంది . ప్రజాస్వామ్యానికి పుట్టినిల్లు భారత్ . శతాబ్దాల క్రితమే తమిళనాడులోని ఉత్తర మేరూర్ శాసనంలో ప్రజాస్వామ్య ప్రస్తావన ఉంది. 2047 నాటికి భారత్ ప్రజాస్వామికంగా , ఆర్థికంగా అత్యంత శక్తివంతమైన దేశం అవుతుందని ప్రధాని ఉద్ఘాటించారు
తదుపరి యూపీ ముఖ్యమంత్రి ఆదిత్యనాధ్ మాట్లాడుతూ ” అయోధ్యలో ధర్మ ధ్వజారోహణం కొత్త అధ్యాయానికి శుభారంభం ” అన్నారు
దేశీయ , అంతర్జాతీయ విమానాశ్రయాల అనుసంధానంతో అయోధ్యకు గుర్తింపు పెరిగింది అని అన్నారు
భవిష్యత్ అవసరాల దృష్ట్యా అయోధ్యలో సోలార్ విధ్యుత్ ప్లాంట్ల నిర్మాణాలను కూడా పూర్తి చేశామని చెప్పారు !
