సౌత్ ఆఫ్రికాతో భారత్ మహిళా జట్టు ఫైనల్స్ లో పోటీ పడి 52 పరుగుల తేడాతో గెలిచిన తర్వాత డీవై పాటిల్ స్టేడియంలో సంబరాలు అంబరాన్ని తాకాయి
ఎటుచూసినా గెలుపు కేరింతలే
ఎటు చూసినా కన్నీటి భావోద్వేగాలే
స్టేడియంలో ఉన్న జనం మొత్తం లేచి నిలబడి చప్పట్లు కొడుతున్నారు
వారిలో ఓ పెద్దాయన కూడా ఉన్నాడు
కూతురు సాధించిన విజయాన్ని గ్యాలరీ నుంచి చూసిన ఆ పెద్దాయన ఆనంద బాష్పాలను ఆపుకోలేకపోయాడు
చప్పట్లు కొడుతూనే కన్నీరుమున్నీరు అవుతున్నాడు
ఇంతకీ ఆ పెద్దాయన ఎవరో తెలుసా ?
ఎందుకంత ఎమోషన్ అవుతున్నాడో తెలుసా ?
ప్రపంచ కప్ గెలుచుకున్న మహిళా క్రికెటర్లలో ఒకరైన రాధాయాదవ్ తండ్రి ఆ పెద్దాయన
ఇక్కడ ఆమె గురించి కొద్దిగా చెప్పుకోవాలి
భారత మహిళా జట్టులో రాధాయాదవ్ అద్భుతమైన బౌలింగ్ పెర్ఫార్మన్స్ తో ప్రత్యర్థి బ్యాట్స్ మెన్ గుండెల్లో రైళ్లు పరుగెత్తించింది
వరల్డ్ కప్ లో ఆమె మూడు మ్యాచులు ఆడింది
ముఖ్యంగా బంగ్లాదేశ్ తో జరిగిన మ్యాచులో చక్కటి బౌలింగ్ తో బ్యాట్స్మెన్లకు ఊపిరి ఆడనివ్వలేదు
ఆ మ్యాచులో ఆమె కేవలం ముప్పై పరుగులు ఇచ్చి మూడు వికెట్లను పడగొట్టింది
ఆస్ట్రేలియా తో జరిగిన సెమి ఫైనల్ మ్యాచ్ భారత్ కు బాగా టఫ్ గా మారిన పరిస్థితుల్లో రాధా యాదవ్ అద్భుతమైన బౌలింగ్ చేసి అప్పటికే 77 పరుగులు చేసి దూకుడుగా ఆడుతున్న ఆస్ట్రేలియా బ్యాట్స్ మెన్ ఎల్లిస్ పెర్రీ వికెట్ ను పడగొట్టింది
భారత్ గెలుపుకు అవసరమైన కీలక వికెట్ ను పడగొట్టింది రాధా యాదవే
ఫైనల్లో కూడా ఆమె ఐదు ఓవర్లలో కేవలం 45 పరుగులే ఇచ్చి సౌత్ ఆఫ్రికా బ్యాట్స్ మెన్లను కట్టడి చేసింది
అలా ఫైనల్లో భారత్ గెలవడానికి తన వంతు కృషి చేసింది రాదా యాదవ్
సోమవారం బీసీసీఐ భారత మహిళా జట్టుకు 51 కోట్ల నగదు బహుమతి ప్రకటించింది
ప్రపంచ కప్ గెలిచి రాష్ట్రానికి గుర్తింపు తెచ్చినందుకు మహారాష్ట్రకు చెందిన క్రికెటర్లు స్మ్రుతి మంథాన , జెమిమా రోడ్రిగ్స్ , రాధా యాదవ్ లకు ప్రత్యేక బహుమతులు ఇవ్వాలని సీఎం ఫడ్నవీస్ నేతృత్వంలోని క్యాబినెట్ నిర్ణయించింది
ఇదిలా ఉండగా సౌత్ ఆఫ్రికాతో ఫైనల్లో భారత్ గెలవగానే స్టేడియం గ్యాలరీ నుంచి మ్యాచ్ చూస్తున్న రాధా యాదవ్ తండ్రి ఎమోషన్ ఆపుకోలేక కన్నీరు పెట్టేసుకున్నారు
కూతురు సాధించిన ఘనత చూసి పట్టరాని ఆనందంతో స్టేడియంలో కేరింతలు కొట్టడం మొదలుపెట్టాడు
ఆయన్ని చూసిన భారత్ జట్టు సభ్యులు స్టేడియంలోకి ఆయన్ని తీసుకొచ్చి కప్ ఆయన చేతికిచ్చారు
రాధా యాదవ్ తండ్రి ఆనంద బాష్పాలతో కప్ ను తన తలమీద పెట్టుకుని స్టేడియంలో ఊరేగాడు
ఈ దృశ్యం కోట్లాదిమంది భారతీయుల హృదయాలను టచ్ చేసింది
ఏ తండ్రికైనా జీవితంలో ఇంతకుమించి గొప్ప సందర్భం ఏముంటుంది ?
