ఉదయపూర్ లో జరిగే పెళ్ళికి ప్రపంచం నలుమూలల నుంచి వీఐపీ లు వస్తున్నారు .. ఇంతకీ ఎవరీ పెళ్లిపెద్ద ?

మరో రెండ్రోజుల్లో రాజస్థాన్ లోని ఉదయపూర్ లో జరిగే ఒక వివాహ కార్యక్రమానికి దేశ దేశాల నుంచి అతిధులు వస్తున్నారు

అత్యంత వైభవంగా వివాహం వేడుకలు నిర్వహించటానికి ఉదయపూర్ ప్యాలస్ ను సిద్ధం చేస్తున్నారు

ప్యాలస్ మాత్రమే కాదు ఈ వివాహం కోసం ఉదయపూర్ సిటీని సర్వాంగ సుందరంగా అలంకరిస్తున్నారు

వివిధ ప్రాంతాల నుంచి అతిధులు రావడానికి వీలుగా ప్యాలస్ దగ్గరలో ప్రత్యేక హెలిపాడ్ కూడా నిర్మించారు

ఈ వివాహ కార్యక్రమానికి ట్రంప్ కుమారుడితో సహా 40 దేశాల నుంచి వీఐపీలు వస్తుండటంతో కొద్ది రోజులుగా సోషల్ మీడియాలో ఈ పెళ్లి వార్తలు హాట్ టాపిక్ అయ్యింది

ఇంతకీ ఈ పెళ్లి పెద్ద ఎవరంటే ,

అమెరికాలో స్థిరపడిన భారత సంతతికి చెందిన బిలియనీర్ రామరాజు మంతెన వధువు తండ్రి

ఈయన అమెరికాలో ప్రధాన కార్యాలయం కలిగిన ఇన్ జెనిస్ ఫార్మాస్యూటికల్ కంపెనీకి సీఈఓ కమ్ చైర్మన్

హెల్త్ కేర్ రంగంలో రామరాజు విస్తారమైన వ్యాపార సామ్రాజ్యాన్ని నిర్మించుకున్నారు

ఆయన కూతురు నేత్ర మంతెనకు అమెరికాకే చెందిన సాఫ్ట్ వేర్ కంపెనీ సీఈఓ వంశి గాదిరాజు కు ఇచ్చి రాజస్థాన్ లోని ఉదయపూర్ లీలా ప్యాలస్ లో వివాహం జరిపించడానికి ఏర్పాట్లు చేస్తున్నారు

నవంబర్ 21 తో మొదలయ్యే పెళ్లి వేడుకలు 23 వ తేదీ జరిగే వివాహంతో ముగుస్తుందని చెప్తున్నారు

ఈ వేడుకల కోసం డబ్బు మంచినీళ్లలా ఖర్చు చేస్తున్నారు

ఆ మధ్య జరిగిన అంబానీ కొడుకు వివాహం తర్వాత భారత్ లో జరుగుతున్న అత్యంత ఖరీదైన పెళ్లి వేడుకలు మంతెన వారి వివాహంలో జరుగుతున్నాయి

ఇప్పటికే ఉదయ్ పూర్ విద్యుత్ దీపాల వెలుగుతో ధగధగా మెరుస్తుంది

40 దేశాల నుంచి 125 మంది అతిధులు వివాహ వేడుకలకు వస్తుండటంతో ప్రత్యేక ఏర్పాట్లు చేస్తున్నారు

అతిధుల జాబితాలో ట్రంప్ కుమారుడు కూడా ఉండటంతో ఉదయపూర్ లో కట్టుదిట్టమైన భద్రతా ఏర్పాట్లు చేస్తున్నారు

బాలీవుడ్ నుంచి హృతిక్ రోషన్ , రణబీర్ కపూర్ , షాహిద్ కపూర్ లతో సహా దాదాపు సెలెబ్రిటీలందరూ హాజరవుతున్నారు !