గవర్నర్ పేర్లు చదవడంతో బీహార్ క్యాబినెట్ మంత్రిగా ప్రమాణ స్వీకారం చేయడానికి ఒకరొకరు వేదిక మీదకు వచ్చి ప్రమాణ స్వీకారం చేస్తున్నారు
క్యాబినెట్ మంత్రి పదవి కావడంతో కొందరు కుర్తా పైజామాలతోనూ , మరికొందరు సూటు బూటులతోను టిప్ టాప్ గా తయారై హుందాగా నడుచుకుంటూ వేదిక మీదకు వచ్చి మంత్రులుగా ప్రమాణ స్వీకారం చేస్తున్నారు
ఈ క్రమంలో గవర్నర్ దీపక్ ప్రకాష్ పేరు చదవడంతో ముందు వరుసలో కూర్చున్న ఓ 36 ఏళ్ళ కుర్రాడు లేచి నిలబడి చకచకా వేదిక మీదకు వెళ్లడం మొదలెట్టాడు
ఆ కుర్రాడ్ని చూసిన సభికులందరూ ఆశర్యంతో నోరు తెరిచారు
ఎటువంటి మేకప్పులు లేకుండా ఇంట్లో వేసుకునే సాధారణ క్యాజువల్స్ దుస్తులతోనే మంత్రిగా ప్రమాణ స్వీకారం చేయడానికి వచ్చాడు
ఇంతకీ ఈ కుర్రాడికి తాను మంత్రి కాబోతున్నట్టు ప్రమాణ స్వీకారానికి కొద్ది గంటల ముందు వరకు కూడా తెలీదట
2011 లో మణిపాల్ MIT నుంచి కంప్యూటర్ సైన్సు గ్రాడ్యుయేషన్ చేసారు
గ్రాడ్యుయేషన్ పూర్తి అయిన తర్వాత ఐటి రంగంలో నాలుగేళ్లు పనిచేసాడు
ఇతని తండ్రి బీహార్లో రాష్ట్రీయ లోక్ మోర్చా పార్టీ అధ్యక్షుడిగా పనిచేస్తూ గడిచిన ఎన్నికల్లో NDA భాగస్వామ్య పక్షముగా ఉన్నాడు
తల్లి తమ పార్టీ తరపున ససారం నియోజకవర్గానికి ఎమ్మెల్యేగా ఉన్నారు
పొత్తులో భాగంగా కేటాయించిన సీటులో తల్లి పోటీ చేయడంతో దీపక్ అసెంబ్లీ ఎన్నికల్లో పోటీ చేయలేదు
ఎమ్మెల్యే కూడా కాకపోయినా ఆఖరి క్షణంలో క్యాబినెట్ బెర్త్ లో దీపక్ పేరు బయటికి వచ్చింది
ఇది దీపక్ కూడా ఊహించలేదు
ఇతని నియామకం కూడా ఆశర్యకరంగా జరిగింది
మొదట దీపక్ కు క్యాబినెట్లో స్థానం కల్పించటానికి అమిత్ షా మరియు నితీష్ లు కూడా ఒప్పుకోలేదు
అయితే NDA మిత్ర పక్షములో ఉన్న మరో నేత జితన్ రామ్ మాంఝి తన కుమారుడికి క్యాబినెట్లో స్థానం కోసం పట్టుబట్టి సాధించడంతో రాష్ట్రీయ లోక్ మోర్చా అధినేత కూడా తన కుమారుడికి క్యాబినెట్లో బెర్త్ ఇవ్వాల్సిందేనని పట్టుబట్టడంతో సమీకరణాల దృష్ట్యా దీపక్ కు కూడా మంత్రి పదవి ఇవ్వక తప్పలేదు
ఆ రకంగా చివరి క్షణంలో ఐటి ప్రోసెషనల్ కాస్తా క్యాబినెట్ మంత్రి అయ్యాడు !
