మన ఇళ్లల్లో ఫంక్షన్లలోనో , లేదా బంధువులకు కానీ , మిత్రులకు కానీ పార్టీ ఇస్తున్నప్పుడు ‘ బిర్యానీ రెడీ .. దావత్ కు సిద్ధం గా ఉండండి అనే పదాలను చాలా సామాన్యంగా వాడతాం
బిర్యానీ .. దావత్ అనేది తెలంగాణతో సహా చాలా చోట్ల వాడుకలో ఉన్న పదాలే
కానీ కొంతమందికి మాత్రం అవి వాడుక పదాలు కావు
సీక్రెట్ కోడ్
ఎస్ .. NIA బయటపెట్టేదాకా ఆ నలుగురు చాట్ చేసింది తిండి గురించే అని అంతా అనుకున్నారు
కానీ వాళ్ళు మాట్లాడుకుంది తిండి గురించి కాదు మందు గుండు గురించి అని తెలిసి వారి కొలీగ్స్ సైతం ఆశర్యపోతున్నారు
ఇంతకాలం తమ పక్కన తిరిగింది డాక్టర్ల ముసుగులో ఉన్న తీవ్రవాదులు అని తెలిసి షాక్ అయ్యారు
ఈ మధ్య ఢిల్లీలో జరిగిన బ్లాస్ట్ కుట్రను ఛేదించేందుకు దర్యాప్తు చేస్తున్న NIA టీమ్ కు కొన్ని ఆశర్యకరమైన విషయాలు బయటపడ్డాయి
ఫరీదాబాద్ లోనూ , జమ్మూ కాశ్మీర్ లోనూ అరెస్ట్ చేసిన నలుగురు డాక్టర్లను విచారణ చేసి వారి రహస్య టెలిగ్రామ్ యాప్ ను చూస్తే షాకింగ్ విషయాలు బయటపడ్డాయి
వేరు వేరు ప్రాంతాల్లో ఉన్న వీరందరూ సురక్షితమైన టెలిగ్రామ్ యాప్ ద్వారా చాట్ చేస్తారని తెలిసింది
ఏజెన్సీలు వీళ్ళ టెలిగ్రామ్ యాప్ లోని చాట్ ను ఎన్ క్రిప్ట్ చేస్తే సరిగ్గా ఢిల్లీ పేలుళ్లకు ముందు ‘ బిర్యానీ రెడీ .. దావత్ కు సిద్ధంగా ఉండండి ‘ అని ఒకరికొకరు పంపుకున్న మెసేజిలు ఉన్నాయి
ఇంటరాగేషన్ లో బిర్యానీ అంటే మందు గుండు అని , దావత్ కు సిద్ధంగా ఉండండి అంటే పేల్చటానికి సిద్ధంగా ఉండమని కోడ్ భాషలో చాట్ చేసుకున్నారని తెలిసింది
అంటే ఢిల్లీ పేలుళ్లకు ముందు అంతా సిద్ధం చేసుకుని ఇలా బిర్యానీ పేరుతొ మెసేజీలు పంపుకున్నారన్నమాట
అన్నట్టు ఈ డాక్టర్లు దేశంలో బ్లాస్టులు చేయడానికి మూడేళ్ళముందు నుంచే ప్లాన్ లు వేసుకున్నారట
ఈ మూడేళ్ళలో వీళ్ళ వాట్సాప్ చాట్ లలో కానీ, ఇతర సోషల్ మీడియా ప్లాట్ ఫార్మ్స్ లో కానీ తిండి మాటలు తప్ప మందుగుండు మాట ఒక్కటి కూడా లేదట
అలా ఉంటుంది వీళ్ళ కోడ్ భాష
మొత్తానికి చక్కటి బిర్యానీని కూడా మీ కోడ్ భాషకు వాడేసుకున్నారు కదరా !
