హిడ్మా ఈ పేరు వింటే అంతరాష్ట్ర పోలీసులు సైతం ఉలిక్కిపడతారు
దశాబ్దాలుగా దొరక్కుండా పోలీసులను ముప్పతిప్పలు పెడుతున్న కరడుగట్టిన మావోయిస్టు నాయకుడు హిడ్మా
ఛత్తీస్ ఘడ్ లోని దక్షిణ బస్టర్ పూవర్తి గ్రామానికి చెందిన హిడ్మా 17 ఏళ్ళ వయసులోనే మావోయిస్టు ఉద్యమంలో చేరాడు
గెరిల్లా పోరాటంతో అంచెలంచెలుగా ఎదిగి మావోయిస్టు గెరిల్లా ఆర్మీ కమాండర్ స్థాయికి ఎదిగాడు
హిడ్మా స్కెచ్ వేసాడంటే భయంకరంగా ఉంటుంది
అతడి నాయకత్వంలో నిర్వహించిన ఆపరేషన్ లలో మాములు హత్యాకాండలు లేవు
2010 లో దంతెవాడలో మందుపాతర పెట్టి ఏకంగా 72 మంది సీఆర్పీఎఫ్ జవాన్లను మట్టుబెట్టాడు
2013 లో 27 మందిని , 2021 లో 22 మంది భద్రతా సిబ్బందిని మట్టుపెట్టాడు
దీనితో ప్రభుత్వం అతడ్ని మోస్ట్ వాంటెడ్ క్రిమినల్ గా ప్రకటించి ఆచూకీ తెలియచేసినవారికి కోటి రూపాయల రివార్డ్ ప్రకటించింది
అంతకుముందే కేంద్ర ప్రభుత్వం 2026 మార్చి లోపు సమూల మావోయిస్టుల ఏరివేత లక్ష్యంగా ఆపరేషన్ కగార్ మొదలుపెట్టింది
ఈ ఆపరేషన్ తో కీలక మావోయిస్టు నేతలు లొంగిపోయారు
మరికొంతమంది హతమయ్యారు
కానీ హిడ్మా దొరకలేదు
దానికో కారణం ఉంది
గెరిల్లా పోరాటంలో వ్యూహాలు రచించే హిడ్మా మూడంచెల భద్రతా వ్యవస్థ మధ్యలో ఉంటాడు
అతడ్ని చేరుకోవాలంటే ముందుగా ఈ మూడు వలయాలు దాటుకుని రావాలి
ఒకవేళ భద్రతా దళాలు అతడ్ని పట్టుకోవడానికి మొదటి వలయం దాటేలోగానే హిడ్మా సురక్షితంగా తప్పించుకునేవాడు
అతడు దళ సభ్యులకు కనిపించడమే అరుదు
కానీ పెద్ద పెద్ద టార్గెట్లన్నీ హిడ్మా నాయకత్వంలోనే ఛేదిస్తారు
బస్తర్ ప్రాంతానికి చెందిన అతడు చదివింది ఏడవ తరగతి
కానీ అప్పట్లోనే ఒక టీచర్ సాయంతో ఇంగ్లీష్ , హిందీ లతోపాటు మరికొన్ని భాషల్లో ప్రావీణ్యం సంపాదించాడు
మావోయిస్టు ఉద్యమంలో అతడితో పాటు భార్య , కూతురు కూడా చేరి చురుకుగా పనిచేస్తున్నారు
హిడ్మా దొరికితే చాలు చాలావరకు మావోయిస్టుల పని అయిపోయినట్టే అని ప్రభుత్వం కూడా భావించింది
అందుకే కేంద్ర హోమ్ మంత్రి అమిత్ షా సైతం నవంబర్ ముప్పై లోపు హిడ్మా ని పట్టుకోవాలని ఆపరేషన్ కగర్ నిర్వహిస్తున్న భద్రతా దళాలను ఆదేశించారు
సాక్ష్యత్తు కేంద్ర హోమ్ మంత్రి నుంచి ఆదేశాలు రావడంతో భద్రతా దళాల ఫోకస్ హిడ్మా మీద పడింది
పోలీసుల కూంబింగ్ తట్టుకోలేక గత ఫిబ్రవరి లో హిడ్మా కూతురు లొంగిపోయింది
ఇక మిగిలింది భార్య , భర్తలే
దానితో ఛత్తీస్ ఘడ్ హోమ్ మంత్రి స్వయంగా హిడ్మా తల్లి దగ్గరికి పోయి కొడుకును లొంగిపొమ్మని చెప్పించారు
అయినా హిడ్మా స్పందించలేదు
ఫైనల్లీ మంగళవారం తెల్లవారు జామున ఏపీలోని అల్లూరి జిల్లా మారేడుమిల్లి అడవుల్లో భద్రతా దళాలు నిర్వహించిన కాల్పుల్లో హిడ్మా మరణించాడు
మావోయిస్టు ఉద్యమంలో కీలకమైన పాత్ర పోషించిన గెరిల్లా నాయకుడ్ని కేంద్ర హోమ్ మంత్రి అమిత్ షా విధించిన గడువు కన్నా ముందే భద్రతా దళాలు మట్టుబెట్టాయి!
