ఆరునెలల క్రితం తప్పిపోయిన పాపను వెతికి తల్లితండ్రులకు అప్పగించిన ముంబై పోలీసులు..హ్యాట్సాఫ్ పోలీస్ !

ఈ ఫోటోలో ముద్దులొలుకుతున్న పాపను చూసారుగా

పోలీసులు తోడుగా వస్తుంటే సంతోషంతో పరుగులు పెడుతున్న ఈ చిన్నారి ఆనందం వెనుక ఓ కారణం ఉంది

ఆరునెలల క్రితం తప్పిపోయిన ఆ పాప ముంబై పోలీసుల కృషి వల్ల తిరిగి తల్లితండ్రుల వద్దకు చేరుకుంటున్న అపురూప దృశ్యం అది

నిజంగా ఇటువంటి దృశ్యాలు సినిమాల్లో చూస్తామేమో కానీ నిజ జీవితంలో చూడటం అరుదు

ఇటువంటి అరుదైన దృశ్యానికి ముంబై నగరం వేదిక అయ్యింది

ఈ విషయం తెలుసుకున్న ప్రముఖ పారిశ్రామిక వేత్త ఆనంద్ మహీంద్రా సైతం X వేదికగా ముంబై పోలీసులకు హ్యాట్సాఫ్ చెప్పారు

మన దేశంలో చైల్డ్ మిస్సింగ్ కేసులు ఎక్కువే
మిస్సింగ్ అయిన కారణాల బట్టి కొందరు దొరుకుతారు .. మరికొందరు ఎప్పటికీ దొరకరు

అన్ని మిస్సింగ్ కేసుల్లాగే ఈ పాప మిస్సింగ్ కేసును రిపోర్ట్ రాసుకుని పక్కన పడెయ్యలేదు ముంబై పోలీసులు

ముద్దులొలికే చిన్నారి మిస్సింగ్ కేసును ఎలాగైనా ఛేదించి పాపను తల్లితండ్రుల ఒడిలోకి చేర్చాలని ఛాలెంజింగ్ గా తీసుకుని ఇన్వెస్టిగేషన్ చేసారు

ఈ వివరాలను మోహిని పరమేశ్వరన్ X లో షేర్ చేసారు

కేసు పూర్వాపరాల్లోకి వెళ్తే ,

మే ఇరవైయ్యవ తేదీన ఈ పాప తండ్రి శస్త్ర చికిత్స నిమిత్తం కుటుంబ సభ్యులతో కలిసి సోలాపూర్ నుంచి ముంబై వచ్చారు

ట్రైన్ దిగిన హడావుడిలో కుటుంబ సభ్యులు ఉండగా పాప మిస్ అయ్యింది

ఛత్రపతి శివాజీ మహారాజ్ టెర్మినల్ లోనే పాప మిస్ అయ్యిందని గుర్తించారు

వెంటనే కుటుంబ సభ్యులు పాప కోసం రైల్వే స్టేషన్ మొత్తం గాలించారు
అక్కడ ఉన్న రైల్వే పోర్టర్లను , వెండర్లను అడిగి చూసారు

ఎవరూ పాప ఆచూకీ చెప్పలేకపోయారు

దాంతో పాప తప్పిపోయింది అని గ్రహించి పోలీస్ స్టేషన్లో కంప్లైంట్ ఇచ్చారు

ఆ కుటుంబ సభ్యులకు ఒకపక్క పాప తండ్రికి ఆపరేషన్ టెన్షన్ , ఇంకో పక్క చిన్నారి తప్పిపోయిందనే బెంగ

పోలీస్ స్టేషన్లో కంప్లైంట్ నోట్ చేసుకుని ఫోటో చూసిన ఇన్స్పెక్టర్ , పోలీసులు కూడా భావోద్వేగానికి గురయి కంట తడిపెట్టారు

యెంత పోలీసులైనా వాళ్ళు కూడా ఓ కూతురికి తండ్రులే కదా
ఆ క్షణానే ఈ కేసుని ఛాలెంజ్ గా తీసుకోవాలని నిర్ణయించుకున్నారు

వెంటనే సిసి ఫుటేజ్ తెప్పించుకుని చూసారు
ఆ పాప వారణాసి వెళ్లే ట్రైన్లోకి ఎక్కడం కనిపించింది

వారణాసి ఆఖరి స్టేషన్ అయినా పాప ఈ మధ్యలో ఏదైనా స్టేషన్లో దిగి ఉంటుందేమో అన్న కోణంలో అన్ని స్టేషన్లకు వెళ్లి విచారించారు

ఆఖరికి వారణాసి స్టేషన్ సిసి ఫుటేజిలో పాప ఆచూకీ కనిపించింది

వెంటనే ఆపరేషన్ శోధ్ పేరుతొ ముంబై పోలీసులు వారణాసిలో గాలింపులు చేపట్టారు
అన్నిలోకల్ పోలీస్ స్టేషన్లకు పాప ఫోటో పంపించారు

అయినా పాప ట్రేస్ అవలేదు

ఎవరైనా యాత్రికులకు పాప దొరికి పట్టుకుపోయారేమో అని కూడా ఆలోచించారు

వెంటనే పాప తప్పిపోయింది అంటూ వారణాసి మొత్తం పాప ఫోటోలను పోస్టర్లు వేశారు

ఈ పోస్టర్లు చూసిన ఓ మరాఠీ జర్నలిస్ట్ స్థానికంగా ఓ అనాధాశ్రమంలో ఎవరో పాప కొత్తగా చేరినట్టు వివరాలు తెలిశాయని పోలీసులకు చెప్పాడు

వెంటనే ముంబై పోలీసులు అనాధాశ్రమం పై దాడి చేయగా పాప దొరికింది
ఆ రకంగా పాప దొరకడానికి పట్టిన మొత్తం సమయం ఆరు నెలలు

ఆరు నెలలు అయినా పాప దొరకడంతో తమ కూతురు దొరికినంతగా సంబర పడిపోయారు ముంబై పోలీసులు

తమ కష్టానికి ప్రతిఫలం దక్కిందని సంతోషంగా చెప్పారు

పాపను ఎవరైనా కిడ్నాప్ చేసారా ? లేకపొతే వాలంటీర్ గా అనాధాశ్రమం వాళ్ళకి దొరికితే చేర్పించుకున్నారా ?
ఒకవేళ దొరికినా పాపను పోలీసులకు ఎందుకు అప్పచెప్పలేదు ? అనే కోణంలో తదుపరి దర్యాప్తు కంటిన్యూ చేస్తున్నట్టు పోలీసులు చెప్పారు

ఇదిలా ఉండగా మరోపక్క విషయం తెలిసిన తల్లితండ్రుల సంతోషానికైతే అవధులు లేవు

ఆరు నెలలు అయినా పాప దొరక్కపోవడంతో వాళ్ళు కూడా ఆశలు వదిలేసుకున్నారు
భగవంతుడి మీద భారం వేసి తిరగని గుళ్ళు లేవు

పాపని పోలీసులు ముంబై తీసుకొస్తున్నారని తెలిసిన ఆ కుటుంబ సభ్యుల ఉద్వేగం చూసిన స్థానికులకు కంట నీరు తెప్పించింది

పోలీసులు కూడా ఆ పాపను అసాధారణ రీతిలో గ్రాండ్ గా వెల్కమ్ చెప్పే పద్ధతుల్లో తీసుకొచ్చారు

పాప కోసం కొత్త ఫ్రాక్ , బెలూన్లు కొని చక్కగా ముస్తాబు చేసి తల్లితండ్రులకు అప్పచెప్పారు

అదిగో
ఆ ఫోటోలో కనిపిస్తుంది అదే

చూసారా తల్లితండ్రులను చూసిన ఆనందం పాప కళ్ళలో కనిపిస్తుంది

పరిగెత్తుకుంటూ తల్లిని కావులించుకున్న పాప ఆనందంగా తనని ఇక్కడికి తీసుకొచ్చిన పోలీసంకుల్ వైపు వేలు చూపిస్తూ థాంక్స్ చెప్పింది

తల్లిని , తండ్రిని ముద్దాడిన తర్వాత ఆ పాప ఆ పోలీస్ అంకుల్ ను దగ్గరికి పిలిచి ఎత్తుకోమని అడిగి ఆయనకు ముద్దు పెట్టడం చూపరుల కంట తడి పెట్టించింది

ఏదేతేనేమి కథ సుఖాంతం అయి పాప తల్లితండ్రుల ఒడిలోకి చేరడంతో అందరూ సంతోషంతో చప్పట్లు కొట్టారు !