2022 లో భారత 73 వ గణతంత్ర దినోత్సవం నాడు చివరిసారిగా కవాతు నిర్వహించి 25 ఏళ్లకే రిటైర్ అయిన విరాట్ ఎవరో తెలుసా ?
రాష్ట్రపతి భవన్లోని మేలుజాతి అశ్వాలలో ఒకటి విరాట్
జాతికి ఈ అశ్వం చేసిన సేవలు మాములివి కావు
ఒకటికాదు రెండు కాదు ఏకంగా 13 గణతంత్ర దినోత్సవాల్లో ప్రెసిడెంట్ బాడీ గార్డ్స్ రెజిమెంట్ తరపున పరేడ్ లో కవాతు చేసింది
అత్యుత్తమ ప్రదర్శనకు గాను విరాట్ ఆర్మీ చీఫ్ ప్రశంసా పత్రం కూడా అందుకుంది
2022 లో చివరిసారిగా రిపబ్లిక్ డే పరేడ్ లో పాల్గొని రిటైర్ అయ్యింది
సాధారణంగా మేలుజాతి అశ్వాలకు 18 నుంచి 22 సంవత్సరాల మధ్య సేవలకు రిటైర్మెంట్ ప్రకటించి మిగిలిన జీవిత కాలంలో ఆర్మీ వెటర్నరీ క్యాంపులో వాటిని సంరక్షిస్తారు
కానీ విరాట్ అత్యుత్తమ ప్రతిభతో 25 సంవత్సరాల వరకు ప్రెసిడెంట్ బాడీ గార్డ్ రెజిమెంట్ కు సేవలు అందించింది
అందుకే రిటైర్మెంట్ తర్వాత విరాట్ సంరక్షణ బాధ్యతలను ప్రెసిడెంట్ ఆర్మీ తీసుకుంది
విరాట్ రిటైర్మెంట్ ను కూడా ఆర్మీ ఘనంగా నిర్వహించింది
ప్రత్యేకంగా తయారుచేయించిన దుస్తులతో విరాట్ ను అలంకరించి ఆర్మీ బ్యాండ్ తో వీడ్కోలు పలికారు
ఒక గుర్రానికి ఈ రకమైన గౌరవం దక్కటం అరుదైన విషయమని సంబంధిత ఆర్మీ అధికారి మీడియాతో చెప్పారు
ప్రెసిడెంట్ బాడీ గార్డ్ రెజిమెంట్లో కొన్ని వందల గుర్రాలకు నిత్యం ట్రైనింగ్ ఇస్తారని , కొన్ని మానవుల్లానే అల్లరి చిల్లరిగా వ్యవహరిస్తాయి , మరికొన్ని బుద్దిగా మాట విని నైపుణ్యాన్ని పెంచుకుంటాయి
మిగిలిన అశ్వాలకు భిన్నంగా కోచ్ మాట విని విరాట్ రెజిమెంట్లోనే నంబర్ వన్ గా నిలిచిందని ఆయన చెప్పారు
ప్రెసిడెంట్ బాడీ గార్డ్ ఎలైట్ రెజిమెంట్ అనేది ఆర్మీ యొక్క సీనియర్ మోస్ట్ రెజిమెంట్
అని , ఇక్కడ అశ్విక దళాలు పరేడ్ లో ప్రదర్శనలు ఇవ్వడానికి మాత్రమే కాదు యుద్ధంలో పోరాటం చేసేందుకు కూడా ఉపయోగపడేలా ట్రైనింగ్ ఉంటుందని అన్నారు
ఆర్మీ జవాన్లకు ఉన్నట్టే వీటికి కూడా ప్రత్యేక డ్రిల్స్ ఉంటాయి .. ఫిట్నెస్ కోసం వ్యాయామాలు ఎన్ని ఉంటాయో ఆహార నియమాలు కూడా అన్ని ఉంటాయి
అశ్వాలకు అందుబాటులో ఎల్లవేళలా మెడికల్ టీమ్ , డ్రిల్ టీమ్ అందుబాటులో ఉంటుందని చెప్పారు
పరేడ్ కి 45 రోజుల ముందునుంచే ఎంపిక చేసిన అశ్వాలకు కఠినమైన ట్రైనింగ్ ఉంటుందని , ఆ శిక్షణలో నెగ్గిన గుర్రాలే పరేడ్ కు వెళ్తాయని ఆయన చెప్పారు
ఆ రకంగా ఆర్మీలో అశ్వాలు చేసే సేవలు , పోలీస్ డిపార్ట్మెంట్లో డాగ్ లు చేసే సేవలు మాములుగా ఉండవు
ఆ మధ్య తెలంగాణాలో కూడా ఓ పోలీస్ డాగ్ రిటైర్మెంట్ కి డిజిపి తో సహా పోలీస్ అధికారులు అందరూ పాల్గొని గ్రాండ్ గా వీడ్కోలు చెప్పారు!
