షోలే వీరు గా సినీ ప్రేక్షకులకు ధర్మేంద్ర ఎప్పటికీ గుర్తుండిపోతాడు !

1960 లో దిల్ బీ తేరా హమ్ బీ తేరా తో మొదలైన ధర్మేంద్ర సినీ ప్రస్థానం 2025 డిసెంబర్ లో విడుదల కాబోతున్న ఇక్కీస్ వరకు 300 సినిమాలకు పైగా సాగింది

ధర్మేంద్ర సినీ ప్రయాణంలో ఎన్నో హిట్ మైలు రాళ్లు ఎదురౌతాయి
వీటిలో ధర్మేంద్ర నట విశ్వ రూపం ఎప్పటికీ గుర్తుండిపోయే చిత్రం షోలే

షోలే సినిమాలో అమితాబ్ పాత్రకు ముందు శత్రుఘ్న సిన్హాని అనుకున్నారట
కానీ ధర్మేంద్ర పట్టుబట్టి ఆ పాత్రను అమితాబ్ కు ఇప్పించారట

షోలే సినిమాలో జై – వీరు పేర్లతో ఇద్దరి స్నేహితుల మధ్య అనుబంధాన్నిదర్శకుడు అద్భుతంగా తెరకెక్కించారు

స్నేహితుడిని కాపాడటం కోసం ఇరువైపులా బొరుసు ఉన్న కాయిన్ తో టాస్ వేసి తన జీవితాన్ని త్యాగం చేసుకుంటాడు వీరు

సినిమాలోనే కాదు నిజ జీవితంలో కూడా ధర్మేంద్ర తన స్నేహ ధర్మాన్ని పాటించాడు
అందుకే ధర్మేంద్ర సార్థక నామధేయుడు అయ్యాడు

1935 డిసెంబర్ 8 న పంజాబ్ లోని కుగ్రామం నస్రాలి నుంచి సాగిన ధర్మేంద్ర జీవిత ప్రయాణం 2025 నవంబర్ 24 న 89 ఏళ్ళ వయసులో ముంబైలో ముగిసింది

కోలుకుని రేపు డిసెంబర్ 8 కి 90 వ ఏడులోకి ప్రవేశిస్తారు అని నమ్మకం పెట్టుకున్న కుటుంబ సభ్యుల నమ్మకాన్ని వమ్ము చేస్తూ సోమవారం ధర్మేంద్ర తుది శ్వాస విడిచారు

ధర్మేంద్ర మరణంతో ఆయన కుటుంబ సభ్యులతో పాటు లక్షలాదిమంది అభిమానులు సైతం కన్నీరుమున్నీరు అవుతున్నారు

గత కొద్దివారాల క్రితం ధర్మేంద్ర ఆరోగ్యం విషమించిందని ఆసుపత్రిలో చేర్చారు

దురదృష్టవశాత్తు అయన ఆసుపత్రిలో ట్రీట్మెంట్ తీసుకుంటున్న సమయంలోనే మరణించాడని ఫేక్ వార్తలు బయటికి వచ్చాయి

అయితే అనుకోకుండా ధర్మేంద్ర కోలుకోవడంతో ఆసుపత్రి నుంచి డిశ్చార్జ్ చేసి ఇంటి నుంచే చికిత్స కొనసాగించారు

కానీ సోమవారం ధర్మేంద్ర ఆరోగ్యం పూర్తిగా విషమించడంతో తుది శ్వాస విడిచారు

ధర్మేంద్ర మరణంతో చిత్ర పరిశ్రమకు చెందిన పలువురు ఆయనతో తమకున్న అనుభవాలను గుర్తు చేసుకుంటూ నివాళులు అర్పించారు

బాలీవుడ్ చిత్ర నిర్మాత మోతీ సాగర్ మీడియాతో మాట్లాడుతూ ” ధర్మేంద్ర గొప్ప నటుడే కాదు .. గొప్ప మానవతావాది కూడా.. 1968 లో ఆంఖే సినిమా షూటింగ్ సందర్భంగా చిత్ర యూనిట్ సోవియట్ వెళ్ళినప్పుడు ధర్మేంద్ర ఎటువంటి ఈగోలకు పోకుండా కెమెరా బ్యాగులు కూడా మోశాడు .. షూటింగ్ స్పాట్ లో లిఫ్ట్ ప్రమాదం జరిగితే ధర్మేంద్ర స్వయంగా అందర్నీ హాస్పిటల్ కు తరలించి చికిత్సలు చేయించాడు ” అని చెప్పారు

అందుకే చిత్ర పరిశ్రమలో అందరూ ధర్మేంద్రని హీ -మ్యాన్ అని గౌరవంగా పిలుచుకుంటారని చెప్పారు

ఫైట్ సన్నివేశాల్లో కూడా ధర్మేంద్ర డూప్ లకు ఒప్పుకునేవాడు కాదు

అత్యంత రిస్క్ ఉన్న కొండలు గుట్టల్లో కూడా ఆయనే స్వయంగా రిస్కీ షాట్స్ చేసేవాడు

ధర్మేంద్ర ధైర్యసాహసాలు గురించి మరో బాలీవుడ్ జూనియర్ నటుడు మాట్లాడుతూ , ” ధర్మేంద్ర సినిమాల్లోనే కాదు నిజ జీవితంలో కూడా అత్యంత ధైర్య సాహసాలు ప్రదర్శించిన హీరోనే .. అప్పట్లో చిత్ర పరిశ్రమకు ముంబై అండర్ వరల్డ్ డాన్ ల నుంచి డబ్బుల కోసం బెదిరింపులు వచ్చేవి.. చాలామంది వారి భయానికి అడిగినంత ఇచ్చేవారు .. అలా ఓసారి ధర్మేంద్రకు కూడా వారి నుంచి బెదిరింపులు వచ్చాయి .. దానితో ధర్మేంద్ర ఏ మాత్రం బెదిరిపోకుండా ఎంతమంది వస్తారో రండి .. మీరు పదిమంది వస్తే నాకోసం పంజాబ్ నుంచి నా అభిమాన సైన్యం ట్రక్కుల్లో వస్తారు .. నయాపైసా ఇచ్చేది లేదు .. ఏం చేస్తారో చేసుకోండి ” అని రివర్స్ వార్నింగ్ ఇచ్చారు
దానితో చేసేది లేక వాళ్ళు కూడా ధర్మేంద్ర జోలికి రాలేదు” అని చెప్పారు

ఇదిలా ఉండగా ధర్మేంద్ర 19 ఏళ్ళ వయసులోనే పంజాబ్ కి చెందిన ప్రకాష్ కౌర్ ను వివాహం చేసుకున్నాడు
ప్రస్తుత బాలీవుడ్ నటులు సన్నీ డియోల్ , బాబీ డియోల్ వీరి కుమారులే

అనంతరం 1980 లో ధర్మేంద్ర హేమామాలినిని వివాహం చేసుకున్నారు
ఈషా డియోల్ , అహనా డియోల్ వీరి కుమార్తెలు

1970 లలో హేమమాలిని తో కలిసి నటించిన సినిమాలు హిట్ అవడంతో ధర్మేంద్ర , హేమామాలినిలు హిట్ పెయిర్ గా నిలిచారు

1975 ఆగస్టు లో విడుదలైన షోలే మూవీ ధర్మేంద్ర సినీ కెరీర్ నే మార్చివేసింది

షోలే విడుదలై 50 సంవత్సరాలు అవుతున్నా ఇప్పటికీ అభిమానులు ధర్మేంద్ర నటనని గుర్తు చేసుకుంటూ ఉంటారు

1997 లో దిలీప్ కుమార్ , సైరాభాను చేతుల మీదుగా ఫిలిం ఫేర్ లైఫ్ టైమ్ పురష్కారం అందుకోవడం తన జీవితంలో మర్చిపోలేని సంఘటన అని అప్పట్లో చెప్పుకున్నారు ధర్మేంద్ర

1990 ల నాటికి ధర్మేంద్ర బీజేపీ లో చేరి రాజస్థాన్ లోని బికనీర్ నుంచి ఎంపీగా పోటీచేసి గెలిచి పార్లమెంటులో అడుగుపెట్టారు

మొత్తం 300 పైగా సినిమాల్లో నటించిన ధర్మేంద్రకు 2012 లో పద్మభూషణ్ అవార్డు ప్రకటించారు

షోలే విడుదలై మొన్న ఆగస్టుకి ఐదు దశాబ్దాలు పూర్తి అయినా అందులో వీరు పాత్రలో ధర్మేంద్ర ఇప్పటికీ గుర్తుండిపోయాడు

ఇప్పటికే కాదు ఇంకో ఐదు దశాబ్దాలు అయినా గుర్తుండిపోతాడు
ధర్మేంద్రకు నివాళులు !