నవంబర్ 15 న హైద్రాబాదులో మహేష్ బాబు హీరోగా ఎస్ ఎస్ రాజమౌళి దర్శకత్వంలో రాబోయే మూవీకి సంబంధించి ssmb 29 పేరుతో ఈవెంట్ నిర్వహించిన సంగతి తెలిసిందే
తన కెరీర్ లోనే బిగ్గెస్ట్ మూవీ కావడంతో ఈ ఫంక్షన్ జరగడానికి ముందు తండ్రి సూపర్ స్టార్ కృష్ణని తలుచుకుని మహేష్ బాబు ఎమోషన్ అయ్యాడు
నవంబర్ 15 కృష్ణ మూడవ వర్థంతి సందర్భంగా మహేష్ బాబు తండ్రిని తల్చుకుంటూ ” నాన్నా ఈరోజు మీ గురించి కొంచెం ఎక్కువగా ఆలోచిస్తున్నాను .. ఇప్పుడు మీరుంటే చాలా గర్వపడేవారు ” అని ట్వీట్ పెట్టారు
ఇదిలా ఉండగా కృష్ణ నిజంగా గర్వపడే సంఘటన ssmb ఈవెంట్లో జరిగింది
గతంలో కృష్ణ షూటింగ్ చూడటం కోసం చెన్నై నుంచి ఆయన అభిమానులు బస్సుల్లో విజయవాడ వచ్చిన సంగతి తెలిసిందే
ఇప్పుడు ఆయన తనయుడు మహేష్ బాబు వారణాసి మూవీ టైటిల్ ఫంక్షన్ చూడటానికి ఒక అభిమాని ఏకంగా ఆస్ట్రేలియా నుంచి వచ్చాడు
80 వ దశకంలో సూపర్ స్టార్ కృష్ణ నటించిన ఈనాడు సినిమా షూటింగ్ చూడటానికి ఆయన అభిమానులు చెన్నై నుంచి బస్సుల్లో తరలి వచ్చారు
అప్పట్లో ఈ వార్త సంచలనం సృష్టించింది
కృష్ణకు ఆంధ్రప్రదేశ్ లోనే కాకుండా తమిళనాడులో కూడా ఉన్న ఫ్యాన్ ఫాలోయింగ్ ను ఈ సంఘటన తెలియచేసింది
ఇప్పుడు ఆయన తనయుడు మహేష్ బాబు కూడా తండ్రిలానే విపరీతమైన ఫ్యాన్ ఫాలోయింగ్ సంపాదించుకున్నాడు
హైద్రాబాదులో మహేష్ బాబు , రాజమౌళిల ssmb 29 ఈవెంట్ చూడటానికి ఒక అభిమాని ఏకంగా ఆస్ట్రేలియా నుంచి వచ్చాడు
రాజమౌళి కొడుకు కార్తికేయ ఈ విషయం ట్విట్టర్ లో చెప్తూ , ” మహేష్ బాబు మీద అభిమానంతో ఆయన అభిమాని షుమారు 6 ,800 కిలోమీటర్ల దూరం ప్రయాణించి ఆస్ట్రేలియా నుంచి హైదరాబాద్ వచ్చాడని ” ప్రశంసించాడు
” ఒక్క తెలుగోడు మాత్రమే ఫీలయ్యే బిగ్గెస్ట్ ఎమోషన్ .. ఆకాశానికి హద్దులు లేవు ” అని ట్వీట్ పెట్టాడు
అన్నట్టు మహేష్ బాబు మూవీ పేరు వారణాసి అని ఈ ఈవెంట్లోనే దర్శకుడు ఎస్ ఎస్ రాజమౌళి రివీల్ చేసాడు !
