సూపర్ స్టార్ కృష్ణ , మహేష్ బాబు అభిమానులకు ‘వారణాసి’ జీవిత కాలం గుర్తుండిపోయే సినిమా అవుతుంది !

అదేదో సినిమాలో రజనీకాంత్ డైలాగ్ ఒకటుంటుంది
లేట్ గా వచ్చినా లేటెస్ట్ గా వస్తానని

అలాగే జక్కన్న ఒక్కో సినిమాకి బోలెడు టైము తీసుకున్నా లేటెస్ట్ గానే వస్తాడు

గతంలో బాహుబలి మూవీకి చాలా టైం తీసుకుని ప్రభాస్ కి జీవిత కాల బ్లాక్ బస్టర్ ఇచ్చాడు
ఈ సినిమాతో ప్రభాస్ రేంజ్ పాన్ వరల్డ్ కి పాకింది

అలాగే ఇప్పుడు జక్కన్న చేతిలో మహేష్ బాబు పడ్డాడు

రాజమౌళి సినిమాకి సైన్ చేయకపోతే ఈపాటికి మహేష్ బాబు సినిమాలు రెండో మూడో రిలీజ్ అయ్యేవి

కానీ రాజమౌళితో సినిమా అంటే మాములుగా ఉండదని మహేష్ బాబుకి కూడా తెలుసు

అందుకే వారణాసి సినిమా నా డ్రీమ్ ప్రాజెక్టు అనీ , మనసు పెట్టి చేస్తున్నా అని చెప్పాడు

అంతే కాదు తన తండ్రి సూపర్ స్టార్ కృష్ణ గర్వపడే విధంగా వారణాసి సినిమా ఉంటుందని ఎమోషనల్ గా ట్వీట్ కూడా పెట్టాడు

సరే , రాజమౌళి సినిమా కోసం ఏళ్లకు ఏళ్ళు టైం తీసుకున్నా కథ విషయం బయటికి రాకుండా జాగ్రత్తలు తీసుకుంటాడు అనే సంగతి అందరికి తెలిసిందే

అంతెందుకు సగం షూటింగ్ అయిపోయినా కూడా నవంబర్ 15 వరకు ఈ సినిమా పేరేంటో కూడా ప్రపంచానికి రివీల్ చేయలేదు

సినిమాకి కథ విషయంలో జాగ్రత్తగా కసరత్తు చేయడంలోనూ , షూటింగ్ ప్రారంభం అయిన దగ్గర్నుంచి రిలీజ్ అయ్యేవరకు డిఫరెంట్ ప్రమోషన్లతో హైప్ తీసుకురావడంలో జక్కన్నది అందె వేసిన చేయి

ఇంతకాలం ssmb 29 గా ప్రేక్షకులకు సినిమాని పరిచయం చేసిన రాజమౌళి నవంబర్ 15 న హైదరాబాద్ రామోజీ ఫిలిం సిటీలో జరిగిన ఈవెంట్లో ట్రైలర్ లాంచ్ చేయడం ద్వారా సినిమా టైటిల్ వారణాసి అని రివీల్ చేసాడు

షుమారు మూడున్నర నిమిషాల నిడివి ఉన్న ఈ టీజర్లో వారణాసి నుంచి మొదలెట్టి ఆఫ్రికా అడవులు , అమెజాన్ అడవులు తిరిగి లంకా నగరాన్ని చుట్టి తిరిగి వారణాసి చేరుతుంది .. ఈ టీజర్లో మనకు ప్రాంతాలు కనపడతాయి కానీ నటీనటులు కనపడరు

చివరి నిమిషంలో మాత్రం మహేష్ బాబు చేతిలో త్రిశూలంతో నంది మీద స్వారీ చేసుకుంటూ రావడం చూపిస్తారు

ఈ సీన్ చూసి ఇదేదో పౌరాణిక పాత్ర అనుకోవడానికి కూడా లేదు . నంది మీద స్వారీ చేస్తున్న మహేష్ బాబు కి కిరీటాలు ,ఇతర ఆభరణాలు ఏమీ ఉండవు

సింపుల్ గా ప్యాంట్ , షర్ట్ , గుబురు గడ్డం , ఒత్తైన జుట్టుతో కనిపిస్తాడు

సినిమాలో మహేష్ బాబు పాత్ర పేరు రుద్రగా పరిచయం చేసారు

షూటింగ్ మొదలెట్టినప్పటినుంచి బొమ్మ రిలీజ్ అయ్యేవరకు ప్రేక్షకులను రకరకాల ఊహాగానాల్లో ముంచి కన్ఫ్యూజ్ చేయడంలో జక్కన్న దిట్ట

ట్రైలర్ చూసిన వారికి ఇదేదో అఖండ తాండవం మాదిరి రుద్ర తాండవం అనుకునే అవకాశం ఉందనుకున్నాడో ఏమో ఈ సినిమాలో రామాయణ నేపధ్యాన్ని ఇతివృత్తంగా తీసుకున్నామని , ఇందులో మహేష్ బాబుని రాముడిగా చూపించబోతున్నట్టు మరో బాంబ్ పేల్చి ప్రేక్షకుల్ని పూర్తి అయోమయంలో పడేసాడు రాజమౌళి

సినిమా టైటిల్ వారణాసి , హీరో పేరు రుద్ర , టీజర్లో హీరో కనిపించేది చేతిలో త్రిశూలంతో నంది మీద.. టోటల్ గా శివ పురాణాల్లోనుంచి పుట్టుకొచ్చిన కథ అనుకుంటాం

కానీ రాజమౌళి రూటే సెపరేటు

ఈ సినిమాలో రామాయణ నేపధ్యాన్ని తీసుకున్నామని , మహేష్ బాబుతో రాముడి వేషం కట్టించానని చెప్తున్నాడు

ఇది కదా రిలీజ్ కు ముందే సినిమా పట్ల జనాల్లో క్యూరియాసిటీ తెప్పించే పక్కా బిజినెస్ వ్యూహం

అన్నట్టు ఈ సినిమాతో రాజమౌళి ఓ కొత్త సాంకేతికతను కూడా పరిచయం చేస్తున్నట్టు చెప్పాడు

ఈ కొత్త సాంకేతిక పరిజ్ఞాన్ని పరిచయం చేయడం వెనుక మొట్టమొదటి ఈస్టమన్ కలర్ , మొట్టమొదటి 70 ఎం ఎం , మొట్టమొదటి సినిమా స్కోప్ లను పరిచయం చేసిన సూపర్ స్టార్ కృష్ణ గారే తనకు స్ఫూర్తిగా నిలిచారు అని చెప్పారు

ఇప్పటిదాకా మీరు చూస్తున్న ఐమాక్స్ అనేది ఒరిజినల్ కాదు . సినిమా స్కోప్ మూవీస్ నే బ్లో అప్ చేసి అదే ఐమాక్స్ అంటున్నారు

వారణాసి సినిమాలో ఒరిజినల్ ఐమాక్స్ థీమ్ ని ప్రెజెంట్ చేయబోతున్నాం
ఈ టెక్నాలజీ మీకు సరికొత్త థియేటరిక్ ఎక్స్పీరియన్స్ ఇస్తుంది అని చెప్పారు

సరే ఇదంతా ఓకే ఇంతకీ సినిమా రిలీజ్ ఎప్పుడు అని ఆరా తీస్తే 2027 సంవత్సరానికి ప్లాన్ చేస్తున్నట్టు తెలిసింది

రిలీజ్ ఆలస్యం అయినా వారణాసి మూవీ సూపర్ స్టార్ కృష్ణ , మహేష్ బాబు అభిమానులకు జీవిత కాలం గుర్తుండిపోయే సినిమా అవుతుందని ఇండస్ట్రీలో ఇప్పట్నుంచే టాక్ !