విజయ్ దేవరకొండకు సత్య సాయి బాబా వారు పెట్టిన పేరు ఏంటి ?

హీరోయిన్ రష్మిక మందాన తో నిశ్చితార్థం అయిన తర్వాత ఈ మధ్య  రౌడీ బాయ్ విజయ్ దేవర కొండ ఎక్కువగా  వార్తల్లో నిలుస్తున్నాడు

ఆ మధ్య విజయ్ దేవర కొండ కారు ప్రమాదానికి గురవడంతో ఆయన అభిమానులు ఆందోళన చెందారు

కానీ ఈ ప్రమాదం నుంచి విజయ్ స్వల్ప గాయాలతో బయట పడటంతో వారు  ఊరట చెందారు

ఇదిలా ఉండగా  సత్య సాయి బాబా శత జయంతి ఉత్సవాల సందర్భంగా ఈ మధ్య  రష్మిక తో కలిసి పుట్టపర్తి కూడా సందర్శించి వచ్చాడు

 నవంబర్ 23 సత్య సాయి జన్మదినాన్ని పురష్కరించుకుని బాబా తో తనకున్న అనుబంధాన్ని విజయ్  ట్విట్టర్ లో పంచుకున్నాడు

తన బాల్యమంతా అనంతపురంలోనే గడిచిందని , సత్య సాయి ఎడ్యుకేషనల్ సంస్థల్లోనే తానూ , తన తమ్ముడు ఆనంద్ ల విధ్యాబ్యాసం పూర్తి అయ్యిందని చెప్పాడు

నిజానికి తనకు పేరు పెట్టింది తల్లితండ్రులు కాదని , సత్య సాయి బాబా వారే తనకు ‘విజయ సాయి’ అని నామకరణం చేసారని చెప్పారు

ప్రేమను పంచు .. ప్రేమను పొందు అనే సత్య సాయి వారి బోధనల ప్రభావం తన మీద ఉందని చెప్పారు

తోటివారికి సాయం చేయడంలో కలిగే సంతృప్తి సాయి బోధనల ద్వారానే తెలుసుకున్నానని విజయ్ చెప్పారు

ఇప్పటికీ తమ ఇంట్లో సత్య సాయిని కొలుస్తుంటారని ఆయన అన్నారు

సత్య సాయితో తనకున్న అనుబంధాన్ని గుర్తు చేసుకుంటూ విజయ్ ఓ ఫోటోని సోషల్ మీడియాలో షేర్ చేసారు

ఆ ఫోటోలో బాబా వారిని  కలిసి ఆశీర్వాదం తీసుకుంటున్న చిన్నారి  విజయ్ సాయి కనిపిస్తాడు

ఈ ఫోటోలో  చిన్నప్పుడు విజయ్  గుండ్రటి  ఫ్రేమ్ ఉన్న స్పెక్ట్స్ పెట్టుకుని క్యూట్ బాయ్ లా ఉన్నాడని ఫాన్స్ తెగ మెచ్చుకుంటున్నారు

ప్రస్తుతం సోషల్ మీడియాలో విజయ్ చిన్నప్పటి ఫోటో వైరల్ అవుతుంది !