ఆ పోస్టర్లే వాళ్ళని పట్టించాయా ? అతి పెద్ద కుట్ర కోణాన్ని ఛేదించిన తెలుగు ఐపీఎస్ అధికారి డాక్టర్ సందీప్ చక్రవర్తి .. సెల్యూట్ సార్ !

సోమవారం సాయంత్రం ఢిల్లీలో జరిగిన బ్లాస్ట్ గురించి అందరికీ తెలిసిందే

కానీ ఈ బ్లాస్ట్ జరగడానికి కొద్ది రోజుల ముందు జమ్మూ కాశ్మీర్లో హాలీవుడ్ సినిమాలను తలదన్నే స్థాయిలో కొన్ని ఒళ్ళు గగుర్పొడిచే సన్నివేశాలు జరిగాయి

దేశంలో అతి భారీ కుట్రకు కొంతమంది ముష్కరులు తెర తీయబోతున్నారని ముందుగా పసిగట్టి రక్షణ , కేంద్ర ఇంటెలిజెన్స్ విభాగాలను అప్రమత్తం చేసింది శ్రీనగర్లో ఎస్పీగా బాధ్యతలు నిర్వహిస్తున్న ఓ తెలుగు యువ ఐపీఎస్ అధికారి డాక్టర్ సందీప్ చక్రవర్తి

ఢిల్లీ బ్లాస్ట్ కు కొద్ది రోజుల ముందు శ్రీనగర్ లోని నౌగామ్ – బున్ పోరా వీధుల్లో కొన్ని పోస్టర్లు వెలిసాయి

స్థానికులు , లోకల్ పోలీసులు ఈ విషయాన్ని పెద్దగా పట్టించుకోలేదు

శ్రీనగర్లో సీనియర్ సూపరింటెండెంట్ ఆఫ్ పోలీస్ గా విధులు నిర్వహిస్తున్న డాక్టర్ సందీప్ చక్రవర్తి దృష్టికి పోస్టర్ల విషయం చేరింది

మాములు పోలీస్ అధికారి అయితే ఎక్కడో మారుమూల వీధిలో వెలిసిన హెచ్చరిక పోస్టర్ల విషయం లోకల్ పోలీసులకే అప్పచెప్పి దర్యాప్తు చేయమని చెప్పేవారు

కానీ సందీప్ ఆవులిస్తే పేగులు లెక్కపెట్టే రకం

సందీప్ చక్రవర్తి గతంలో పహాల్గమ్ నిందితులను పట్టుకునే ఆపరేషన్ మహాదేవ్ యాంటీ టెర్రరిస్ట్ స్వాడ్ కి నాయకత్వం వహించి ముగ్గురు అనుమానాస్పద టెర్రరిస్టులను పట్టుకున్నారు

జమ్మూ కాశ్మీర్ సెక్టార్ లో యాంటీ టెర్రరిస్ట్ స్వాడ్ లీడర్ గా సందీప్ కు మంచి పేరు ఉంది
అందుకే అయన పోస్టర్ల వ్యవహారాన్ని తేలిగ్గా తీసుకోలేదు

ఈ పోస్టర్ల వెనుక ఏదో పెద్ద కుట్ర జరగబోతుందనే సందేశం ఉందని ఆయనకు అనుమానం వచ్చింది

వెంటనే ఆ పోస్టర్లను తెప్పించి అందులో రాసిన కోడ్ భాషను డీ కోడ్ చేసే పనిలో పడ్డారు
డాక్టర్ సందీప్ అనుమానం నిజమే అయ్యింది

త్వరలో దేశంలో కొందరు ఉన్మాదులు పెద్ద బ్లాస్ట్ కు ప్లాన్ చేస్తున్నారని అర్థమైంది

ఈ కుట్రకు దేశం బయటి నుంచి కొందరు ముష్కరులు సాయం చేస్తున్నారని కూడా తెలుసుకున్నారు

అంతే , ఆయన క్షణం ఆలస్యం చేయలేదు

వెంటనే స్వయంగా రంగంలోకి దిగి సెర్చ్ ఆపరేషన్ మొదలుపెట్టాడు
నౌగామ్ ప్రాంతంలో సిసి టీవీ ఫుటేజీలను పరిశీలించాడు

ఆ ఫుటేజీలో పోస్టర్లు అతికిస్తున్న ముగ్గురు వ్యక్తులను గుర్తుపట్టారు

వాళ్ళని అరెస్ట్ చేసి ఇంటరాగేషన్ చేస్తే పోషియన్ కు చెందిన మౌల్వి ఇర్ఫాన్ అహ్మద్ పేరును చెప్పారు

యితడు 2020 నుంచి ఇమాం గా పనిచేస్తున్నాడు

వెంటనే డాక్టర్ సందీప్ యాంటీ టెర్రరిస్ట్ స్వాడ్ తో అహ్మద్ ఇంటిమీద దాడి చేస్తే కొన్ని ఆశర్యకరమైన విషయాలు బయటికి వచ్చాయి

అతడి ఇంటిలో ఇండియాలో విస్తరించిన టెర్రర్ గ్రూపుల నెట్ వర్క్ సమాచారం తెలిసింది

జమ్మూ కాశ్మీర్ లోని తన ఇంటినుంచి యితడు డిజిటల్ పరికరాల ద్వారా వివిధ రాష్ట్రాల్లో ఉన్న స్లీపర్ సెల్స్ కు సమాచారం చేరవేస్తుంటాడు
ఒకరకంగా సంధాన కర్తగా వ్యవహరిస్తాడు

ఎస్పీకి వెదకబోయిన తీగ కాలికి తగిలినట్టైంది

అహ్మద్ అరెస్టుతో తీవ్రవాదులు పన్నిన అతి భారీ కుట్రను ముందే ఛేదించగలిగారు

రిపబ్లిక్ డే నాడు ఎర్రకోటలో సహా దేశంలో ప్రధాన నగరాల్లో బ్లాస్ట్ లు చేయాలని వైట్ కాలర్ జాబ్ ముసుగులో కొంతమంది భారీ కుట్రను పన్నుతున్నారని గ్రహించగలిగారు

అహ్మద్ ను ఇంటరాగేట్ చేయడంతో జైషే గ్రూపుతో సంబంధాలు ఉన్నఇంకో కుట్రదారుడు
డాక్టర్ ముజిల్ గనై ని అరెస్ట్ చేసి ఇంటరాగేట్ చేస్తే డాక్టర్ల ముసుగులో చలామణీ అవుతున్న మరికొందరు ఉగ్రవాదుల రహస్యాలు తెలిసాయి

ఫలితంగా కాశ్మీర్ లోని కొంతమంది వైద్యులతో పాటు ఫరీదాబాద్ లో మరికొంతమంది కుట్రదారులను అరెస్ట్ చేసారు

వాల్ పోస్టర్లే కదా అని వదిలేయకుండా సీరియస్ గా తీసుకుని ఎస్పీ డాక్టర్ సందీప్ చక్రవర్తి తనదైన స్టైల్ లో దర్యాప్తు చేసి తీగ లాగితే డొంకంతా కదిలింది

ఢిల్లీ బ్లాస్ట్ భద్రతా వైఫల్యం అని విమర్శలు చేసేవాళ్ళు తెలుసుకోవాల్సిన వార్త ఇది

వారం ముందు నుంచే శ్రీనగర్లో డాక్టర్ సందీప్ ఆధ్వర్యంలో యాంటీ టెర్రరిస్ట్ స్వాడ్ నిర్వహించిన ఆపరేషన్ వల్ల దేశంలో ఇతర చోట్ల కూడా బ్లాస్ట్ లు చేయాలని కుట్ర దారులు పన్నిన పన్నాగాలను అమలు జరక్కుండా ఏజెన్సీ లను అప్రమత్తం చేయడంలో తెలుగు యువ ఐపీఎస్ అధికారి సందీప్ పాత్ర ఉంది

ఇంతకీ ఈ సందీప్ చక్రవర్తి ఎవరో కాదు

ఆంధ్రప్రదేశ్ లోని కర్నూల్ జిల్లాకు చెందిన కల్లూరు లోని వైద్యుల కుటుంబంలో జన్మించారు

ఈయన తండ్రి వైద్యుడు , తల్లి ఆరోగ్య శాఖలో పనిచేస్తారు

తల్లితండ్రుల ప్రభావంతో సందీప్ కూడా వైద్య విద్యను అభ్యసించి డాక్టర్ అయ్యారు

కానీ పోలీస్ అధికారి కావాలనేది ఆయన ఆశయం
దానితో 2014 లో సివిల్స్ రాసి ఐపీఎస్ కు సెలెక్ట్ అయ్యారు

ప్రస్తుతం శ్రీనగర్లో సీనియర్ సూపరింటెండెంట్ ఆఫ్ పోలీస్ గా విధులు నిర్వహిస్తున్నారు

విధి నిర్వహణలో చూపిన ధైర్య సాహసాలకు ఇప్పటికి ఆరు సార్లు ఈయనకు రాష్ట్రపతి అవార్డులు దక్కాయి !

సెల్యూట్ సందీప్ సార్ !!